| NICO MALAN... STREEF NA UITNEMENDHEID... | ||||
|
29 Maart 1960... Vir meer as 50 jaar maak HOëRSKOOL NICO MALAN deel uit van die herinneringe van talle oud-Humansdorp-inwoners, -Patensie-lemoenboere, -Jeffreysbaai-seesoekers, -Tsitsikamma-melkboere... die Kouga-distrik en sy mense. Vir meer as 50 jaar hardloop Nico Malanners in die atletiekpylvak na sukses, stel hulle hulle visier agter die rugbypale, fokus hulle op die kortste pad na die netbaldoelpaal, hardloop hulle hulle teenstaanders kaf - hokkiestok laag op die grond -, speel hulle onder baansyfer, slaan kishoue laag oor die net, vryf hulle hulle spiere in vir die uitmergelende landlooproete en kolf hulle die opponente uit vir 'n nul! Met hulle kenmerkende blou baadjies redeneer hulle selfversekerd agter die kateder, sit die noot hoog in in die koor, speel hulle hulle harte uit op die verhoog, voer onderhoude vir die skoolkoerant, maak hulle Interact-harte oop vir die minderbevoorregtes... en skuif hulle pionne strategies met die laaste woord van oorwinning: skaakmat! Met 'n leerdertal wat die afgelope twee dekades verdubbel het en 'n matriekslaagsyfer van 100% jaar na jaar, kan met reg gesê word: "HIER STEL ONS DIE KIND EERSTE!" Maar met die vuurtoring van God se genade en die leuse "Kennis verlig" op die baadjiesak, hoe kan dit ook anders? Daarom sê elke Nico Malanner, van die mees onervare Pikkie tot die mees gesoute matriek, DANKIE, deur voortdurend te streef na uitnemendheid! |
||||
| VISION | ||||
|
Nico Malan High School strives for excellence by developing proud and well balanced children through the application of basic Christian values. |
||||