Hokkie

Die seisoen skop weereens in Maart af met ons deelname aan Gill Kollege se sportdag en eindig op 15 Augustus met interskole teen D.F. Malherbe.

Ons betree 'n nuwe terrein toe ons in April die eerste Afrigtingskliniek by die skool aanpak. Afrigters van die Elsie Coetzer Hokkieskool in Bloemfontein kom bied 'n geslaagde naweekkursus by die skool aan vir spelers in al die ouderdomsgroepe. Nico Malan spog met 9 spanne in die liga met 'n totaal van 144 dogters wat aan die sport deelneem.

Die eerste span woon weer gedurende die Aprilvakansie die D.F. Malan Afrigtingskliniek in die Kaap by en onderneem ook gedurende die Junievakansie 'n toer na die Weskus. Tydens die D.F. Malan Afrigtingskliniek vertoon die span goed en Cecile Meyer word in die o/16-kursusspan opgeneem. Die eerste span speel 26 wedstryde gedurende die seisoen en teken 38 doele aan terwyl hulle 20 afstaan. Al die spanne saam handhaaf 'n gemiddelde wenpersentasie van 62 %.

Hoogtepunte tydens die seisoen:
* die Interskoleskild vir die 15de jaar by Nico Malan;
* 'n puik oorwinning teen die sterk eerste span van Westering;
* die o/19B- en o/16A-spanne wen 78 % van hulle wedstryde;
* drie spelers verteenwoordig O.P. in verskillende toernooie, naamlik Leta Meyer en Liesl Mulder (o/18) en Cecile Meyer (o/16)

Baie dankie aan:
* mnr. Latsky en die Humansdorp Vervoerdienste;
* elke afrigter en speler vir hulle entoesiasme en lojaliteit;
* al die borge vir hulle finansiële ondersteuning;
* die ouers vir hulle betrokkenheid by Nico Malan hokkie;
* mnr. P.J. Potgieter vir sy belangstelling en ondersteuning;
* ons Hemelse Vader vir sy beskermende hand oor ons deur die seisoen.

Organiseerder: A. Meyer