Kuns en Kultuur:

Die doel van Kuns en Kultuur is om leerders 'n algemene opvoeding in kuns en kultuur te gee; om kreatiwiteit in kinders aan te moedig en om hulle toe te rus om verantwoordelike landsburgers te wees. 'n Paar unieke eienskappe van Kuns en Kultuur sluit in:

'n Geleentheid om die verskeidenheid kulture in S.A. te leer ken. Leerders word blootgestel aan baie kulture en hulle geskiedenis.
Ontwikkeling van kunsgeletterdheid sodat leerders kan oplet, beweeg, praat en verstaan op 'n unieke kreatiewe manier.
Blootstelling aan 'n wye spektrum van kunsvorms soos visuele kuns, musiek, dans en drama.

Kuns en Kultuur streef daarna om historiese wanbalanse te herstel en om nasie-bou te verstewig.

Visuele Kuns:

Kuns word sedert 1997 as vak aan die Hoërskool Nico Malan aangebied.

Die huidige uitkoms-gebaseerde onderrig is daarop gemik om leerlinge te lei in persoonlike navorsing en te ondersteun tot insig in die intergrasie van Westerse en Suid-Afrikaanse omgewings-invloede. Hierdie kennis en insig word gekanaliseer tot die ontwikkeling van nuwe vaardighede in Tekenkunde, Skilderwerk en die fundamentele beginsels in nie alleen die skone kunste nie, maar ook in argitektuur en kunsvlyt.

Die analisering en kritiese evaluering van inligting moet lei tot kreatiewe denke in onbekende situasies en dit vind uiting in eksamen-situasies sowel as praktiese projekte en kunswerke in 'n persoonlike portefeulje.