IT/RTT:

Algemene inligting

Die rekenaarsentrum van Hoërskool Nico Malan dateer vanaf Januarie 1995 toe die eerste 25 rekenaars onder leiding van wyle mnr. Wessel Bornman aangekoop is. Aanvanklik is slegs klasse in Rekenaargeletterdheid aangebied, maar sedert 1997 word Rekenaarstudie as vak aangebied.

Die rekenaarsentrum bestaan tans uit drie goed toegeruste lokale met 105 rekenaars. Die rekenaarlokale beskik elk oor 'n laserdrukker, aftaster, data-projektor, asook permanente ADSL internet toegang. Microsoft SA het in 2003 pakkette sagteware gratis aan alle staatskole wat daarvan wou gebruik maak, voorsien. Die nuwe sagteware kon op al die rekenaars gelaai word en leerders kan dus kennismaak met die nuutste uitgawes van Microsoft Office en Windows.

Al drie rekenaarlokale word ten volle benut. Ongeveer 350 leerders neem RTT of IT as vak. Rekenaarstudie as sewende vak word ook na skoolure vir akademiese presteerders aangebied.

Die aantal leerders wat inskryf vir die ICDL (International Computers Driving Licence) neem steeds toe en meer as 30 leerders het verlede jaar die sewe modules voltooi en hulle sertifikate ontvang. Mnr. A. van Kampen help gedurende die jaar viermaal per week na ure leerders om hulle vir die eksamens voor te berei.

Aansoeke vir Rekenaarstudie 2010

Graad 9- leerders wat in 2010 wil begin met Inligtingstegnologie moet gewillig wees om 'n inleidende kursus in Delphi te volg gedurende die laaste helfte van 2009. Besonderhede hieroor asook die nodige aansoekvorms is by die rekenaarsentrum beskikbaar. Hierdie leerders moet ook 'n vaardigheidstoets aflé gedurende die loop van die vierde kwartaal ten einde gekeur te word vir die kursus.